تیراختر دې بختورشه!
ګرانې سلام!
تیر اختر دې بختور شه
جوړ د زړه دې هر پرهر شه
ته به ومني که یه
د اختر د لومړۍ ورځ په سهار
ما د خپل ټوټي ټوټي او ناروغ زړګي
د خلوص او صفا نه ډکې ډکې مبارکۍ
په یوه ګوښه خلوت کې
د خپلو اوښکو په بدرګه
ستا متبرک او حسین خیالي انځور ته وړاندې کړلې
هیله من یم!
هیله من یم چې په زړګې دې در تیر شوي
او یا دې هم ښۍ سترګه رپیدلې وي
په پای کې بیا هم درته وایم
چې تیر اختر دې یو ځل بیا بختور شه!
کابل- خیرخانه مېنه
مینه حقیقت، حسن سایه د حقیقت